زواجك وش تبيه يكون

[لعزتي هيبة]

السلام عليكم ورحمة الله وبركاته


بما إنا في الصيفية ومثل ما أنتم عارفين تكثر مواسم الزواجات والعزايم

طبعاً كل بنت تحلم بـ زواج له حنه ورنه في آفخم وأحلى وأجمل القاعات...وكوشه آخر موديل وتكون بمبلغ وقدره ، هذا غير القاعة
والزفة والمصورة والبوفية


يعني لو جمعنا التكالبف يمكن توصل 200 ألف في ليلة وحدة بس

وبعدين الناس مثل ما أنتم عارفين ما يعجبهم العجب




ليش ما تسوي فرح صغير متواضع مايكلف 20ألف ..في إستراحه
وبالفلوس اللي يخسرها المعرس والعروس تسافرون فيهآ جوله حول العالم في المناظق السياحية الفاخرهـ.. وتنبسطوا فيها أنتم أحسن من غيركم يفرح فيها


الحين سؤال موجه للبنات والأولاد وش وجة نظركم تجاه الموضوع وش تفضلون ،

زواج مختصر والفلوس الزايدة تسافرون فيها جولة حول العالم


أو زواج له حنه ورنه وفي الأخير شهر العسل في البيت تأكلون معه قشطة


طبعاً الموضوع منقول

[تقوى الهجر]

زواج مختصر والفلوس الزايدة تسافرون فيها جولة حول العالم

كلام سليم ,, بس اهم شي الطقاقات والهبال

[بنت شقراء]

زواج عائلي بسيط ويالله من فضلك

وشوله نوسع صدر الناس ونخسر على هالمعرس الضعيف

الا الحمدلله ان كان عندهم فلوس يروحون وينبسطون ويسافرون ويالله التوفيق

الناس ما تسلمين منهم لو تشيلينهم فوق راسك يبي ينقدون ويعذربون

ومالهم منفعه الا الخساير والتعب


الله يوفق الجميع ويرزق الكل بالازواج والزوجات الصالحين

[لعزتي هيبة]

كلام سليم ,, بس اهم شي الطقاقات والهبال

هههههههههههههههههههههههههههه





منورين بتواجدكم في متصفحي

[حـــلا]

اهنيئك يالغالية على طرحك الرائع والقيم

فأرى كلما كان الزواج متواضعا ويسيراا كلما زادت بركته

ومثل ماقالت بنت شقراء ماراح نسلم من الناس مهما حطينا وتكلفنا

فالحياة صعبة الآن والغلاا شمل كل شيء والله يعين ..

والافضل ان نوفر هالخسائر على بيت الزوجية والسفريات الخاصة ..

والف شكر على هالطرح الحلووو

[ahmad]

المشاركة الأصلية كتبت بواسطة لعزتي هيبة

ليش ما تسوي فرح صغير متواضع مايكلف 20ألف ..في إستراحه
وبالفلوس اللي يخسرها المعرس والعروس تسافرون فيهآ جوله حول العالم في المناظق السياحية الفاخرهـ.. وتنبسطوا فيها أنتم أحسن من غيركم يفرح فيها

هذا الكلام
أجل أدفع فلوس مبالغ فيها عشان أترزز عند خلق الله !!!!!

تسلمين أختي على الطرح البنّاء .